Շոկոլադի թանգարաններ կան Իսպանիայում /Բարսելոնա/, Պրահայում,
Ֆրանսիայում, Ռուսաստանում /Մոսկվա/, Գերմանիայում /Քյոլն, Բելգիա/, Շվեյցարիայում:
Շատերը կարող են մտածել, որ նման թանգարանում միայն շոկոլադի տարատեսակներ կարող են
ցուցադրվել, սակայն այդպես չէ: Թանգարանային ցուցադրության նյութը ավելի հաճախ շոկոլադից
պատրաստված առարկաներն են` եկեղեցիները, խանութները, բնակելի տները, կենդանիները, նույնիսկ
մարդիկ: Ճիշտ է, սրանք չափերով մեծ չեն, բայց համեղ են և բնականին մոտ:
2009 թվականից շոկոլադի թանգարան կա նաև Մոսկվայում`
<<Շոկոլադի և կակաոյի պատմության թանգարան>> անվամբ: Շինության առաջին
սրահում մայաների բուրգն է, որը սիմվոլիկ բնույթ ունի, քանի որ եվրոպացիները մայաների
շնորհիվ են իմացել շոկոլադի գոյության մասին: Այստեղ է նաև մայաների կակաոյի աստծու
շոկոլադե քանդակը: Մայաները երկրպագում էին այս աստծուն, որպեսզի քաղցրավենիքը համեղ
ստացվեր: Երկրորդ սրահում շոկոլադ պատրաստելու գործիքներ են, շոկոլադե երաժշտական գործիքներ,
մարդկային ֆիգուրներ: Իսկ երրորդ սրահում ռուսական շոկոլադի ողջ պատմությունն է` լաբորատորիաներից
մինչև հայտնի արտադրող ընկերություններ` Красный октябрь, Бабаев, РотФронт:
 |
| Շոկոլադե ֆիգուրներ տարբեր թանգարաններից |
Комментариев нет:
Отправить комментарий