вторник, 9 декабря 2014 г.

Աթենքի Մայրության թանգարանը





 Քչերը գիտեն, որ Աթենքում մայրության թանգարան կա: Այն հիմնել է ազգությամբ հույն բժիշկ Քրիստոս Օիկոնոմոպուլոսն Աթենական Ակրոպոլիսի տարածքում: Նրա մայրը մահացել է հիվանդությունից, երբ ինքը դեռ փոքր է եղել: Պատրայում սովորելու տարիներին ապագա բժիշկն ապրել է մանկատան հարևանությամբ և միշտ զգացել է, թե նա ու նրա նմաններն ինչքան ունեն մոր կարիք: Թանգարանի հավաքածուն ցուցադրվում է նեոկլասիցիզմի ոճով վերանորոգված սրահում: Դրա պատերին բյուզանդական սրբանկարներ են` Տիրամոր և Քրիստոսի պատկերներով, ինչպես նաև մայրության հետ կապ ւոնեցող մի շարք այլ նկարներ: Ապակե արկղերի մեջ դրված են մանկական տարբեր առարկաներ` խաղալիքներ, հագուստներ, կենղացային իրեր և այլն: Հիմնականում հավաքածուն արտահայտում է հույն գեղջկական կնոջ առօրեական կյանքը. Երեխայի ծծակներ, շապիկներ, գլխարկներԹանգարանի ցուցասրահներից մեկը նվիրված է երեխայի ծննդին: Հույների մոտ երեխաների ծնունդը հիմնականում ընդունել են ծեր կանայք, ովքեր սեփական երեխաներ չեն ունեցել: Մու ցուցատախտակի վրա փակցված են ծննդաբերության ընթացքում օգտագործվող բժշկական միջոցները:

Թանգարանում կան ավելի քան 1200 տեսակի խաղալիքներ` տիկնիկներ, փոքրիկ կենդանիներ, զինվորիկներ: Ցուցադրված են նաև «տամատաներ»: Սրանք իրենցից ներկայացնում են մոմից կերտված երեխաների ֆիգուրներ: Դրանք պատկերում են տարբեր տարիքի ու սեռի փոքրիկների: Մոմի ու երեխաների հետ կապված Հին Հունաստանում մի ավանդույթ է եղել: Երախաների մահացության դեպքերը բավականին շատ են եղել, հատկապես գյուղերում: Երբ փոքրիկ է մահացել, հարազատները նրան հուղարկավորելից բերանում մոմից պատրաստված խաչ են դրել, որպեսզի հրեշտակները տեսնեն, որ նա մկրտված է:

Այս թանգարանի հիմնադիր Քրիստոս Օիկոնոմոպուլոսը Էլլադայի քաղաքներում, գյուղերում ու կղզիներում շատ է ճանապարհորդել: Յուրաքանչյուր վայրում նա գրի է առել կամ ձայնագրել է օրորոցային երգեր, մանկական կատակերգեր և երեխաներին վերաբերող այլ ազգային մեղեդիներ: Սրանք ևս ցուցադրված են թանգարանում:

Նյութը պատրաստեց Զառա Սիմոնյանը