Դասական արվեստի կերպարները Կիևում

Դասական արվեստի գործերն այժմ ժամանակակից Կիևի փողոցներում են: Վերջին օրերին աշխարհում մեծ հետաքրքրություն է առաջացրել <<2 Reality>> /Երկու իրականություն/ նախագիծը, որն իրենից ներկայացնում է նկարների շարք` արված Կիևի հասարակական վայրերում: Նկարները մետրոյում են, շենքերի պատերին, նրբանցքներում ու բակերում, սրճարաններում և այլն: Նախագծի հեղինակն Ալեքսեյ Կոնդակովն է, ով դասական արվեստի գործերի կերպարներին բերել է կիևյան իրականություն: Նա առավելագույնս փորձել է հայտնի արվեստի գործերը <<տեղավորել է>> այնպիսի վայրերում, որտեղ դրանք համահունչ են ու բնականին մոտ: Նկարների հերոսներն իրականում մարմնավորում են ժամանակակից Կիևի քաղաքացիներին, ովքեր ավտոբուսում երեխա են քնեցնում /Տիրամայրը մանկան հետ/, մետրոյի կայարանում նվագում են /Տավիղ նվագող տղան/, մայթեզրին խմում են /Բաքոսերգություն/, քաղաքի ամայի անկյուններում մարդ սպանում /Դավիթը և Գողիաթի գլուխը/ և այլն: 

 

 Նյութը պատրաստեց Զառա Սիմոնյանը

Արվեստի գործերը փողոցներում

Մենք հաճախ ենք ուշադրություն դարձնում փողոցների պատերին նկարված ամենահասարակ պատկերների վրա, բայց թանգարաններ ու պատկերասրահներ քիչ ենք ենք այցելում, որպեսզի տեսնենք դասակնների արվեստի գործերը: Իրականում փողոցում մեզ ներկայացվող պատկերները ևս արվեստի նմուշներ են, ուղղակի դրանք տեսնելու համար թանգարաններ այցելելրը պարտադիր չէ: Ֆրանսիացի նկարչուհի Ժուլիեն դե Կասաբիանկան համադրել է սթրիտ արտն ու դասական արվեստը: Նա ստեղծել է Outings Project-ը, որի նպատակն է անցորդներին հնարավորություն տալ առանց թանգարանի տոմս գնելու տեսնել հին վարպետների մի քանի աշխատանքներ: Հնարավոր է, որ Ժուլիենի գրաֆիթիները տեսնելու հետո որոշ անցորդների մոտ ցանկություն առաջան դրանց օրիգինալները տեսնելու: Անկախ այս ցանկությունից Ֆրանսիայի փողոցներն արդեն լի են այս նկարչուհու դասական գործերի կրկնօրինակներով: 

Նյութը պատրաստեց Արև Ալեքսանյանը

Ճապոնիայի կոյուղիների "արվեստային" կափարիչները

Փողոցային արվեստն իրոք հասել է իր զարգացման գագաթնակետին: Ճապոնիայում այժմ նույնիսկ կոյուղիների կափարիչներն են արվեստով լեցուն: Բանն այն է, որ անհայտ մի նկարիչ  Ճապոնիայի մի շարք քաղաքների կոյուղիների մետաղե կամ թուջե կափարիչների վրա հետաքրքիր պատկերներ է նկարում: Դրանք տարբեր բովանդակություն ունեն` գեղեցիկ ծաղիկներ, կենդանիներ, թռչուններ, ճապոնական ճարտարապետությանը բնորոշ կառույցներ և այլն: Քանի որ այդ կափարիչները հիմնականում շրջանաձև են, պատկերներն այնպես են նկարված, որ դիտվեն բոլոր կողմերից: Հանդիպում են նաև ուղղանկյունաձև կափարիչներ, որոնց վրա ճապոներեն գրություններ են և այլ նկարներ: Թվում է, թե նկարների մի մասն արված է բառելիեֆի տեխնիկայով, սակայն իրականում անհարթությունները հենց մետաղի մակերեսի վրա են: Նկարիչը դրանք պարզապես տարբեր գույներով է ներկել: Լուսանկարիչ Ֆաբիեն Պարսեն վերջերս եղել է Տոկիոյում, Օսակայում, ինչպես նաև Ճապոնիայի այլ քաղաքներում ու լուսանկարել իրեն հանդիպած փողոցային արվեստի այս նոր նմուշները:

 Նյութը պատրաստեց Զառա Սիմոնյանը

Դասական սթրիտ արտ. Pichi & Avo

Դասական կերպարներ հաճելի է տեսնել ամենուրեք, նույնիսկ փողոցների շենքերի պատերին:  Իսպանացի նկարիչների զույգը սթրիտ արտի նոր ու հետաքրքիր տարբերակ է մտածել: Երբ շատերը դժգոհում են ժամանակակից արվեստից ու փողոցներում հաճախ հանդիպող անհասկանալի գրաֆֆիթիներից, ի հայտ է գալիս դասական փողոցային արվեստը: 

Նկարիչների Pichi & Avo դուետը իր աշխատանքները հանրությանն է ներկայացնում դեռևս 2007 թվականից: Նրանց արվեստն ինքնատիպ է ու մյուսներից տարբերվող: Դուետի պատկերած գրաֆֆիթիներում ժամանակակից հերոսներ ու դիցաբանական կերպարներ են: Նուրբ գունային անցումների, հաճելի գունաշարի ու լույս ու ստվերի շնորհիվ նկարիչները բավականին իրական նկարներ են ստեղծում: Նրանց արվեստը գեղեցկացնում է ոչ միայն Իսպանիայի, այլև Եվրոպայի տարբեր քաղաքների փողոցները: Տղաներն ապացուցում են, որ սթրիտ արտն ու դասական արվեստը ևս կարող են ներդաշնակ լինել:

Նյութը պատրաստեց Արև Ալեքսանյանը

Դրական փողոցային արվեստ. Ալինա Պասկվինի

Ինչպես նկատել եք, փողոցային արվեստը միշտ Դե եսիմ…-ի ուշադրության կենտրոնում է: Այս անգամ անդրադարձը պատմում է երիտասարդ նկարչուհի Ալինա Պասկվինիի նկարած գրաֆֆիթիների մասին: Դրանք ներկայացնում են մարդկային էմոցիաներ ու զգացմունքներ: Գրաֆֆիթիների տաղանդավոր հեղինակը յուրաքանչյուր աշխատանքում հոգի է ներդնում: Դրա համար էլ նրա նկարները չափազանց կենդանի ու իրական են ստացվում: 

Դրանց կարելի է հանդիպել տարբեր քաղաքների շենքերի պատերին, կտուրներին, գնացքենրի վագոններին և այլն: Գրաֆֆիթիներում պատկերված կերպարները հիմնականում երեխաներ են, դեռահասներ, երիտասարդ զույգեր: Դրանք դրական տրամադրություն են առաջացնում ինչպես գունաշարի, այնպես էլ ընտրված սյուժեի շնորհիվ: Դիտեք ինքներդ.

 

Նյութը պատրաստեց Զառա Սիմոնյանը

Լեհական սթրիտ-արտի վարպետը. ETAM CRU. Sainer

Sainer անվամբ  հայտնի ազգությամբ լեհ նկարիչը ETAM CRU խմբի անդամ է: Նա բազմաթիվ է աշխատանքների հեղինակ է, և նկարում է ոչ միայն թղթի կամ կտավի, այլև շենքերի պատերի վրա: Sainer-ի աշխատանքները մեծ չափերի են: Դրանք նկարված են նույնիսկ 7-հարկանի շենքերի վրա: Ստեղծագործական թեմաները ևս բազմազան են:  Նա հիմնականում նկարում է դիմանկարներ ու մարդկանց ֆիգուրներ: Երբեմն դրանք ստացվում են սյուրռեալիստական, ոչ իրական ու երազային: Սակայն ռեալիստորեն պատկերված կերպարները գերակշռում են:

 Նյութը պատրաստեց Արև Ալեքսանյանը