Մեր օրագրից:-)

Ահագին ժամանակ է, ինչ բլոգ ստեղծելու գաղափարը կար, սակայն լինելու էր անձնական, չէր ունենալու կոնկրետ ուղղվածություն, անվանումն էլ ի սկզբանե կար` <<Դե եսիմ...>>` անկախ բովանդակությունից:

Բլոգը բացելուց հետո տեղադրեցի վերջերս գրած ռեֆերատներն ու հոդվածները, սակայն  որոշվեց բլոգում տեղադրել ԵԳՊԱ Գյումրու մասնաճյուղի արվեստաբանների հոդվածները, ռեֆերատներն ու ուսումնասիրությունները ևս: Սկսվեց նյութեր հավաքելու դաժան, բայց հետաքրքիր գործընթացը_:D

   Բլոգի ձևաչափը գնալով փոփոխվեց. նախկինում տարբեր կայքերում հրապարակված հոդվածները որոշեցինք չտեղադրել` բլոգի եզակիությունն ընդծելու համար_:) Միայն կերպարվեստի ոլորտն էլ աստիճանաբար ընդլայնվեց` իր կողքին ունենալով նաև գրականության, փիլիսոփայության, դիցաբանության բաժինները: Մի խոսքով, բլոգը փոխվեց, նույնը մնաց միայն անվանումը, ինչն ընտրված էր դեռ նախքան ստեղծվելը: <<Դե եսիմ>>-ը այս պարագայում ոչ թե առանձնացնում, այլ ամբողջացնում է բոլոր բաժինները, այն ոչ թե ունի վերացական իմաստ, այլ ընտրված է միտումնավոր` հազարավոր այլ անվանումների փոխարեն: Եվ այն, որ բլոգի բավականին լուրջ նյութերը առաջին հայացքից ասոցացվում են ոչ այնքան լուրջ վերնագրի հետ, երկրորդ հայացքից միանգամից հերքվում է_:D
   Ռեֆերատների ու արվեստի վերաբերյալ նյութերի այս բլոգը շատերի համար առանձնահատուկ է հենց իր անվանումով: Միայն անվանումը տարածմանը շատ օգնեց: Դե եսիմ` այսինքն մի քիչ ամեն ինչից, թեմաներն այնքան շատ են ու բազմազան, որ ընդհանրացնող ավելի հարմար ու երիտասարդական խորագիր գտնել չկարողացանք:-)

 Բլոգի արագ տարածումն ապահովելու համար անմիջապես բացվեց համանուն ֆեյսբուքյան էջը, ինչի շնորհիվ բլոգի օրական դիտումները կրկնապատկվեցին ու անգամ քառապատկվեցին: 

 25.11.12

    Մեր <<նորածին>> բլոգն արդեն մեկ ամսեկան է, ունի մոտ 3000 դիտում ոչ միայն Հայստանից, այլև այլ երկրներից: Ցանկացած դիտում ի սրտե ուրախացնում է ու է'լ ավելի պարտավորեցնում: Իսկ Էջի ցանկացած նոր անդամ արդեն իսկ իր ներկայությամբ օգուտ է բերում նոր ուսանողական <<արվեստային>> բլոգին: Էջում ամեն օր տեղադրվում են  նոր նյութեր` մարդկանց բլոգի աշխատանքին տեղյակ պահելու համար: Բլոգում ցանկացած նյութ այլ կայքերից տեղադրվում է հղումով: Ուսանողների ռեֆերատները մշակված են հիմնականում արվեստի գրքերից, մասամբ նաև համացանցից: Բլոգի հիմնական նպատակն է ռեֆերատներով օգնել արվեստի բուհերում սովորող ուսանողներին, նաև հանրությանը ներկայացնել արվեստի տարբեր ոլորտների նյութեր:
    Բլոգը համագործակցում է տարբեր կայքերի հետ: Հուսով եմ` այն շուտով ավելի լայն շրջանակներ կընդգրկի  ու կօգնի շատ ուսանողների` մեր նախնական ու գլխավոր նպատակի համաձայն:

     Բլոգն այժմ ունի հետևյալ բաժինները`  

                                                                                    Ամեն ինչ արվեստի մասին
                                                                                    Ռեֆերատներ
                                                                                    Հոդվածներ
                                                                                    Գրականություն
                                                                                    Թանգարաններ, պատկերասրահներ
                                                                                    Փիլիսոփայություն

                                                                                    Մեծ բեմ
                                                                                    Հայտնի անհայտներ
                                                                                    Բիենալե 2012
                                                                                    Ճարտարապետություն
                                                                                    Ամբոջական գրվածքներ
                                                                                    Ուսումնասիրություններ
                                                                                    Հայաստանի թանգարաններ
                                                                                                                                                 12.12.12

<<Դե եսիմ>>-ն արդեն 3 ամսեկան է_:) Այս կարճ ժամանակահատվածում բլոգը հասցրեց մեծ տարածում գտնել: Ընդամենը 90 օրերի ընթացքում այն ունի 7000-ի շեմին մոտեցող դիտումների թիվ, ինչն ուրախացնում է ինձ: Եթե   ծիծաղելի ու հետաքրքրաշարժ նկարները գրավում են ցանկացած մարդու ուշադրություն, հետևաբար և անմիջապես հավաքում են թվով շատ like-եր, ապա արվեստը գրավում է միայն արվեստասեր, արվեստով հետաքրքրվող մարդկանց, և արդեն իսկ ուրախալի է էջի օգտատերերի քանակը: Բլոգում ամեն օր տեղադրվում է նոր նյութ, նույնիսկ օրական 2-3 ռեֆերատ կամ հոդված: Հրապարակված նյութերի թիվն անցել է 100-ի սահմանը:
     Այս ամիս deesim.blogspot.com-ի ընթերցողների համար հայտնություն էին <<...իզմեր>> և <<Մի նկարի պատմություն>> բաժինները, որոնց նյութերը պատրաստում կամ այլ լեզուներից թարգմանում են ԵԳՊԱ ԳՄ արվեստաբանության բաժնի ուսանողները:
Հատուկ շնորհակալություն ցանկացած ընթերցողից....:))Ուրախ ենք, որ մեզ հետ եք...
 
     Ավելացել են հետևյալ բաժինները`          Մի նկարի պատմություն
                                                                           ...իզմեր 
                                                              

                                                                                                                                                     10.02.13

    Դե եսիմն արդեն ունի 4 ամսվա պատմություն.....ի տարբերություն այն օրագրերի, որոնք պահում ու լրացնում են մարդիկ ամեն օր, Դե եսիմի օրագիրը լրացվում է ամեն ամիս` բլոգի ընթերցողներին  նորություններն ու ընթացքը   տեղյակ պահելու նկատառումով:

Այս ամիս սկսեցինք թարմացնել փիլիսոփայության բաժինը` համլրելով այն տարբեր ժամանակների փիլիսոփայակն ուղղություններով` սկսած անտիկ փիլիսոփաներից մինչև Կիերկեգոր ու Կանտ: 

     Փետրվարին բլոգում ավելացան <<Օրվա նկար>> և <<Օրվա տեսանյութ>> բաժինները, որոնք ամեն օր նոր արվեստի գործ և արվեստին վերաբերող հետաքրքիր տեսանյութ են ներկայացնում հանրությանը: Մարտ-ապրիլ ամիսների համար կան մի շարք ծրագրեր, որոնք ի կատար ածելուց հետո անպայման բոլորդ տեղյակ կլինեք: Նախատեսվում է Դե եսիմում տեղադրել նկարչական տարբեր տեխնիկաների վերաբերյալ նյութեր, ստեղծել նոր բաժիններ` ըստ նախնական մտքերի` <<Արվեստի արխիվից>> և <<Գլուխգործոցներ>> անվանումներով: Հուսով եմ, այս ծրագրերը առաջիկա մեկ ամսվա ընթացքում կիրականանան: Սպասեք անակնկալների.....

         Ավելացել են հետևյալ բաժինները`    Օրվա նկար

                                                                          Օրվա տեսանյութ

                                                                          Չվերծանված ծածկագրեր

                                                                                                                                                   10.03.13


    6 երկար ու ձիգ, նյութեր պատրաստելու համար դժվար, բայց և հետաքրքիր ամիսներ.....250-ի շեմին հասնող  հրապարակումներ և նորություններ: Մարտ ամիսը լի էր նոր մտահղացումներով և բաժիններով: Գրեթե ամեն օր ընթերցողներին է ներկայացվում օրվա արվեստային նորությունը` առանց տարածության սահմանափակման: Նոր բաժինները հնարավորություն են տալիս տեղեկանալ աշխարհի թանգարաններից անհետացած արվեստի գործերի, աճուրդներում ամենաթանկ վաճառված ստեղծագործությունների, նոր ցուցահանդեսների և արվեստի ոլորտում կազմակերպված միջոցառումների մասին: Սրանք զուտ ինֆորմացիոն բաժիններ են, ներկայացնող նյութերով` առանց վերլուծությունների: Բավականին աշխատատար ու բեղմնավոր ամիսը տվեց հետևյալ բաժինները`

                                                                       Արվեստի ներկան
                                                                       Արվեստի արխիվից
                                                                       Անհետացած արվեստի գործեր
                                                                       Արվեստի աճուրդ
                                                                       Արվեստ բոլորի համար
                                                                                                                                                10.06.2013

<<Դե եսիմն>> արդեն մեկ տարեկան է.....մեկ տարի շարունակ ամեն օր բլոգն իր ընթերցողին է ներկայացնում տարաբնույթ նյութեր, որոնց բովանդակությանն անդրադռնալու հարկ այլևս չկա :Ճ Երկար <<փորձություններից>> հետո վստահաբար կարող եմ ասել, որ իմ ու ՁԵՐ <<Դե եսիմը>> արդեն կայացած է:))) Այսօր բազմաթիվ շնորհավորանքներ ու գնահատանքի խոսքեր ենք ստացել տարելիցի կապակցությամբ: Շնորհակալ ենք յուրաքանչյուրից, ով գնահատում է բլոգի ցանկացած թողակցի թեկուզ աննշան աշխատանքը: Գովեստի խոսքեր այսօր համացանցային տիրույթում գտնվող արվեստի բլոգը իրոք ունի...                      

Մեկ տարվա ընթացքում բլոգում հրապարակվել է շուրջ 500 նյութ, բաժինների թիվը անցել է 20-ի սահմանը: Մեծ ձեռքբերում եղավ այն, որ սկսեցինք հրապարակել նաև Գեղարվեստի ակադեմիայի մայր բուհի արվեստաբանության բաժնի ուսանողների հոդվածներն ու ռեֆերատները: Նշանակալից էր նաև այն, որ մեզ դիմում եմ տարբեր մարդիկ` ուսանողներ և արդեն մասնագետներ, ովքեր ցանկություն ունեն բլոգին թղթակցելու, նյութեր տրամադրելու և պարզապես հրապարակվելու: Շնորհակալություն բոլորից :Ճ

10. 11.2013

<<Դե եսիմը>> շարունակում է իր ընթացքը :) Բլոգի բաժինները ենթարիվեցին փոփոխության, որոշների ուղղվածությունը փոխվեց, մի քանիսի գործունեությունը ընդհանրապես որոշեցինք  դադարեցնել: Այժմ deesim.blogspot.com-ն  ունի 28 բաժին, առանձին հրապարկվում են նաև Գյումրի քաղաքի եկեղեցիների մասին վերաբերյալ նյութեր, քանի որ բլոգն ունի ճարտարապետական ուղղվածություն ևս, իսկ այս տարածաշրջանի եկեղեցիները մինչ օրս մնում են ոչ մանրամասն և հանգամանալից ուսումնասիրված ինչպես գրականության մեջ, այնպես էլ համացանցային տիրույթում:

Իր ընթերցողներին բլոգը ժամանակ առ ժամանակ տեղյակ է պահում փոփոխություններին ու ձեռքբերումներին: Վերջին ամիսների ընթացքում <<Դե եսիմը>> հրապարակում է իր նոր թղթակիցների նյութերը: Այժմ բլոգն ունի չորս թղթակից: ԵԳՊ ակադեմիայի ուսանողների աշխատանքները այլևս չեն հրապարակվում: Մեծ տարածում է գտել <<Դե եսիմի>> ֆեյսբուքյան էջը: Հետևորդների թիվը անցել է 5000-ի սահմանը: Արվեստի բլոգի համար, կարծում ենք, սա վատ ցուցանիշ չէ :Ճ

 10.05.2014 

<<Դե եսիմն>> արդեն 2 տարեկան է  :Ճ 

2 տարի է, ինչ գրեթե ամեն օր ձեզ պարգևում ենք մի փոքր արվեստ: Այս 730 օրերից յուրաքանչյուրը ձեզանից ինչ-որ մեկի տված ստիմուլով է անցել: Ձեր վերաբերմուքնի շնորհիվ է, որ համացանցային տիրույթում այսօր կա <<Դե եսիմ...>> երևույթը....

Վերջին ամիսներին բլոգում տեղի են ունեցել մի քանի փոփոխություններ: Առանձնացրել ենք հիմնական և երկրորդական բաժիններ: Հիմնական բաժինների մեջ մտնում են հիմնականում արվեստի  Ճյուղերը` կերպարվեստ, Ճարտարապետություն, քանդակագործություն, ինչպես նաև փիլիսոփայություն, գրականություն, դիցաբանություն, թանգարաններ, պատկերասրահներ:  Առանձնացված են նաև  հայ, ռուս և արտասահմանյան երկրների արվեստները, ինչպես նաև <<մեր օրերի արվեստագետները>> բաժինները: Հիմնական բաժինները բլոգի վերևի հատվածում են` անվանման տակ, երկրորդականները, ինչպես և նախկինում, աջ սյունակում:

Հետաքրքիր նորություն <<Դե եսիմ...>>-ի թղթակիցների և ընթերցողների համար: Այժմ բլոգի ֆեյսբուքյան էջն ունի թղթակիցների անուններով հեշթեգեր: Յուրաքանչյուր թղթակից ունի իր հեշթեգը: Սա հնարավորություն է տալիս վերջին շաբաթվա ընթացքում տվյալ թղթակցի հեղինակած նյութերը տեսնել առանձին  էջում: Բլոգի ֆեյսբուքյան էջն այժմ ունի 5555 հավանում:

10.10.2014

Ամիսներն անցնում են, Դե եսիմ..-ը գնալով ընդլայնում  է իր ընթերցողների շրջանակը: Աստիճանաբար բլոգի բաժինների թիվն ավելացավ ու կրճատվեց: Երկար փնտրտուքներից հետո բաժինների ցանկն  արդեն կայուն է: Գործում են հետևյալ բաժինները`

Հիմնական /վերևի մասում/`  Կերպարվեստ

                                                  Գրականություն

                                                  Դիցաբանություն  

                                                  Ճարտարապետություն

                                                  Փիլիսոփայություն

                                                  Քանդակագործություն

 ինչպես նաև`

                                                  Հայ արվեստ

                                                  Ռուս. արվեստ

                                                  Արտ. արվեստ 
                                                  Հին աշխարհի արվեստ 

Երկրորդական /աջից/ `      ...իզմեր

                                               Ամեն ինչ արվեստի մասին

                                               Անհետացած արվեստի գործեր 

                                               Աստվածաշունչը արվեստում  

                                               Առասպելներ և լեգենդներ

                                               Արվեստի աճուրդ

                                               Արվեստի արխիվից

                                               Արվեստի ներկան

                                               Թանգարաններ պատկերասրահներ

                                               Կանայք արվեստում

                                               Հայ առաջին արվեստաբանները

                                               Ցուցահանդեսներ

                                               Հայաստանի եկեղեցիներ

                                               Հայաստանի թանգարաններ

                                               Հայտնի անհայտներ

                                               Հետաքրքիր է...

                                               Հոդվածներ

                                               Մեր օրերի արվեստագետները

                                               Մի նկարի պատմություն

                                               Ուսումնասիրություններ

                                               Ռեֆերատներ

                                               Սթրիտ-արտ 
ձախից`                                 Գյումրի քաղաքի եկեղեցիները

 10.04.2015