Ֆրանսիացի նկարիչ Ժան-Կլոդ Բլինյին ծնվել է Բուրգունդիայում 1948 թվականին: Արվեստի դպրոցն ավարտելուց հետո նա շարունակում է ստեղծագործել ու մուտք է գործում արվեստի մեծ ու հետաքրքիր աշխարհ:
Բլինյին առավելագույնս կարողանում է ցույց տալ տվյալ պահի ողջ գեղեցկությունը: Նա կարծես լուսանկարչի պես ֆիքսում է իրեն դուր եկած տեսարանը: Ժան-Կլոդն իր նկարներին կարողանում է հաղորդել յուրահատուկ լուսավորություն: Նա հիմնականում պատկերում է բնանկարներ, քաղաքային տեսարաններ, այգիներ ու փողոցներ, ճարտարապետական գեղեցիկ կառույցներ: Բլինյիի ներկապնակում գերակշռում են վառ գույները: Երբեմն նա նկարի կոմպոզիցիան կարող է լցնել ընդամենը մեկ գույնի տարբեր երանգներով: Նրա մոտ առավել հաճախ հանդիպում են կարմիրն ու դեղինը: Ժամանակ առ ժամանակ օգտագործում է նաև հակադիր գույներ:
Նյութը պատրաստեց Զառա Սիմոնյանը
Комментариев нет:
Отправить комментарий