понедельник, 15 сентября 2014 г.

Սերն ապրում է 3 տարի.. Ֆ. Բեգբեդեր



*** Եվ ոչ ոք ձեզ չի զգուշացնի, որ սերն ապրում է 3 տարի:  Սիրային բոլոր գործերը կառուցվում են  գաղտնիության խստագույն պահպանմամբ: Ձեզ ներշնչում են, թե դա ամբողջ կյանքի համար է, այնինչ, սերը քիմիապես դադարում է գոյություն ունենալ 3 տարվա ընթացքում:
*** Ես հասկացա ամենակարևորը: Երջանիկ լինելու համար հարկավոր է վերապրել դժբախտությունը: Եթե չանցնես տխրության դպրոցը, երջանկությունը չի կարող ուժեղ լինել:  3 տարի  ապրում է այն սերը, որ բարձունքներ չի նվաճել և հատակում չի հայտնվել, այլ ընկել է երկնքից՝ հենց պատրաստի: Սերն ապրում է երկար, եթե  սիրողներից յուրաքանչյուրը գիտի նրա գինը:
*** Մրջյունի համար դարը մեկ օր է, վարդի համար՝ 3 օր, կատվի համար դարը 30 տարի է, սիրո համար 3 տարի: Եվ ոչինչ չի օգնի: Սկզբում գալիս է կրքի տարին, այնուհետև քնքշանքի և վերջապես, ձանձրույթի: Առաջին տարում ասում են <<Եթե դու գնաս ես ինքնասպան կլինեմ>> , երկրորդ տարում ասում են <<Եթե դու հեռանաս ինձ համար ցավոտ կլինի, բայց ես կգոյատևեմ>>: Երրորդ տարում ասում են՝ << Եթե դու հեռանաս ես, ես դա շամպայնով կտոնեմ…>>:
*** Առաջին տարում գնում են կահույք, երկրորդ տարում կահուքը տեղափոխում են, երրորդում՝ այն կիսում:
*** 20 տարեկանում ես մտածում էի, թե կյանքի մասին ամեն ինչ գիտեմ: 30 – ում պարզվեց, որ ես ոչինչ չգիտեի:  Տասը տարի ես վատնեցի իմանալու համար այն, ինչը հետագայում ստիպված պիտի լինեմ հանել գլխիցս:
*** ...և աղմկոտ ամբոխի մեջ մենք կճանաչենք մեկ մեկու և տխրությամբ կհիշենք վաղուց անցած ժամանակը, երբ մենք 20 տարեկան էինք. մեր հույսերի և մեծ հիասթափությունների ժամանակը, երբ մենք երազում էինք, երբ կարող էինք գրկել երկինքը, որ հետո փլվեց մեր գլխին, քանզի այդ ժամանակը, Աննա, այդ ժամանակը միայն իմն ու քոնն է, և ոչ ոք այն մեզանից խլել չի կարող…
*** Ես մտածում էի, թե սեր եմ փնտրում, մինչև մի հիանալի օր հասկացա, որ ուզում եմ ճիշտ հակառակը՝  հեռու մնալ սիրուց:
*** Սերը ժխտում են նրանք, ովքեր ամենաշատն ունեն դրա կարիքը:
*** Ես չափազանց կուշտ եմ  իրապես սիրահարվելու համար և չափազանց զգայուն՝ անտարբեր մնալու համար
*** Ես կարծում եմ Սիրո խնդրի բանալին այսպիսին է. երջանիկ լինելու համար մարդուն պետք է վստահություն վաղվա օրվա հանդեպ, իսկ սիահարված լինելու համար հարկավոր է հենց անորոշություն:  Երջանկությունը հիմնվում է հանգստության վրա, մինչդեռ  սիրուն անհրաժեշտ են կասկածներ  և անհանգստություն:
*** Սկսել զրոյիցմաքուր թուղթը շատ բան է խոստանում:
*** Ահա ձեզ սիրահարվածության ամենահասարակ թեստը. եթե դուք, անցկացնելով 5 ժամ առանց ձեր սիրելիի, կարոտում եք նրան, ուրեմն դուք սիրահարված չեք, այլապես ձեզ 10 րոպեն արդեն իսկ բավական կլիներ, որ առանց նրա ձեր կյանքը դառնար անտանելի:
*** Ասում են՝ վատ  ժամանակները դառնում են լավ հիշողություններ: Կուզենայի, որ դա այդպես լիներ:
*** Մենակությունը դարձել է ինչ-որ մի ամոթալի հիվանդություն: Ինչու՞ են բոլորը խուսափում դրանից:  Որովհետև այն ստիպում է մտածել:
*** Իրականությունն այն է, որ սերը սկսվում է վարդերից, վերջանում փշերով:
*** Երջանկությունը կա, դա պարզից էլ պարզ է՝ այն ինչ որ մեկի դեմքն է
*** Ես այլևս չեմ ժպտում: Դա իմ ուժերից վեր է
*** Կյանքում ամենամեծ խնդիրը  տառապանքն է, որը պատճառում ես, և ամենաբարդ փիլիսոփայությունը չի կարող արդարացնել մարդուն, ով կոտրել է  այն սիրտը, որն իրեն է սիրել
*** 3 տարի անց նրանք պետք է բաժանվեն, կամ ինքնասպան լինել, կամ երեխաներ ունենան: - Երեք հնարավոր տարբերակ՝ սեփական պարտություն մուտք գործելու համար:
*** Եթե ես չեմ լքում այն  մարդկանց ում սիրում եմ, ապա նրանք իրենք են այն աշխարհ գնում:
*** Եթե լողավազանում կինը վախենում է թրջել մազերը՝ սանրվածքը չփչացնելու համար, ապա հեռու փախեք: Եթե նա ծիծաղով ցատկում է ջրի մեջ, ցատկեք նրա հետևից:

Նյութը պատրաստեց Լիլիթ Սարգսյանը

Комментариев нет:

Отправить комментарий