понедельник, 22 сентября 2014 г.

Թղթե ֆիգուրներ կամ քանդակները գրքում. Սու Բլեքվել


Նկարիչ Սու Բլեքվելը ոչ միայն հին գրքերին նոր շունչ է հաղորդում, այլև գրքերի  խամրած էջերի վրա ֆանտաստիկ աշխարհներ է ստեղծում: Նրան անվանում են “Գրքային քանդակագքրծ” և իրավամբ, Բլեքվելը համարվում է ժամանակակից արվեստի տաղանդավոր ներկայացուցիչներից մեկը: Նա բարակ, սուր դանակի և սոսնձի միջոցով պատմում է գրավիչ, միստիկ և ֆանտաստիկ պատմություններ: Նրա առաջին գրքային քանդակը ստեղծվեց այն ժամանակ, երբ Սուն ճանապարհորդում էր Թայլանդով: Նա ուղևորվեց Թայլանդ  Թագավորական արվեստների քոլեջը ավարտելուն պես: Այդ տարիներին նկարչուհին  ուսումնասիորւմ էր ռեինկառնացիա երևույթը, ճապոնական առասպելները մարդկային հոգու`  թիթեռնիկների հոգում վերածնման մասին: Երիտասարդ աղջկա աչքին ընկնում է մի հին պատառոտված գիրք, և սովորական դանակի օգնությամբ  նա առաջին անգամ գրքի էջերից և էջերի վրա ֆիգուրներ է ստեղծում:
Նկարչուհին ասում է, որ այդ գործընթացը նրա համար մեդիտացիայի նման մի բան է: Նա նախընտրում է աշխատել իր փոքրիկ ստուդիայում, առանց երաժշտության` լռության մեջ խորասուզված: Իսկ ոգեշնչման աղբյուր նրան առաջվա պես ծառայում են առասպելներն ու լեգենդները: Հեղինակն ասում է, որ իր ստեղծածները ավելի շատ մեծերի, քան փոքրիկների համար են :
Սկզբնական աշխատանքներում Սուն թղթերը չէր գունավորում, բայց նրա վերջին աշխատանքներում տեսնում ենք վրձնով ներկված քանդակներ, որոնք էլ ավելի յուրահատուկ ու հետաքրքրաշարժ են դարձնում աշխատանքները :






Նյութը պատրաստեց Անետ Ռիդլը