среда, 3 сентября 2014 г.

2014թ. արվեստի 10 կրեատիվ նախագծերը



Արվեստագետի երևակայությունը սահմաններ չի ճանաչում, իսկ արվեստը վաղուց դուրս է եկել իր սահմաններից: Խոսքը արվեստանոցի, թանգարանի կամ գոնե պատվանդանի մասին է, որտեղից դուրս նախկինում արվեստի գործեր չկային…Այժմ արվեստն ամենուր է…Դե եսիմ…-ը ձեզ է ներկայացնում 2014 թվականի 10 կրեատիվ արտիստական նախագծերը:

Պորտուգալիայի երկնքից կախված  անձրևանոցները
Այս ավանդույթը առաջացել է 3 տարի առաջ, և արդեն հասցրել է համաշխարհային ճանաչում ստանալ: Պորտուգալիայի Ագուեդա քաղաքի փոքրիկ փողոցներից մեկում երկնքից կախված են հարյուրավոր  գունավոր անձրևանոցներ կամ…  բազմաթիվ գունավոր անձրևանոցներից ստացված երկինքն է: Անձրևանոցները բացված կախված են լարերից, որոնք ձգվում են մի տնից մյուսը, և դրանց արանքներում համարյա թե բաց տարածություններ չկան: Լարերը բոլորովին չեն երևում, և այնպիսի տպավորություն է, որ անձրևանոցներն իրոք կախված են երկնքից:

Լոնդոնի նստարան-գրքերը
Կրեատիվ նստարանների շարքը շարունակվում է: Այս անգամ հերթը գիրք-նստարաններինն է: Լոնդոնի տարբեր այգիներում տեղադրվել են 50 գիրք-նստարաններ: Դրանք կոչված են մարդկանց մեջ ընթերցանությունը տարածելու համար: Այդ բոլոր գիրք-նստարաններին գրվածներն ու նկարվածները ինչ-որ կերպ կապված են Լոնդոնի հետ:

Ավազե նկարներ Նյու Յորքում
Նյու Յորքցի մի նկարիչ ավազից ստեղծում է ապշեցուցիչ նկարներ: Նրա արվեստանոցը փողոցն է, թուղթն ու կտավը` ասֆալտած հարթ հատակը: Սակայ այս նկարչի “ստեղծագործությունները” հավերժ չեն, քանի որ քամու և անձրևների պատճառով դրանք գետնի  վրա երկար չեն պահպանվում:

888 246  կերամիկական կակաչներ  Անգլիայի Թաուեր ամոցի մոտ
Անգլիայի ` առաջին համաշխարհային պատերազմին ունեցած մասնակցության հարյուրամյանկի կապակցությամբ  նկարիչ-կերամիստ Պոլ  Կումմինսը և բեմադրիչ Թոմ Փայփերը վալանտյորների հետ միասին Թաուեր ամրոցի շուրջ տեղադրեցին  888 246 կերամիկական կարմիր կակաչներ, որոնցից յուրաքանչյուրը խորհրդանշում էր պատերազմի ժամանակ զոհված մարդկանց կյանքերը: 888 246 կակաչ 888 246 կյանքի դիմաց…

Բուդապեշտի ժամանակի տրամվայը
30000 LED լամպաներ, վերածել են Բուդապեշտի տրամվայը իսկական ժամանակի մեքենայի: Տրամվային ամրացված լամպերն իրենց հետևից երկար հետագծով լույս են թողնում, ինչը Բուդապեշտի փողոցներին միանգամայն այլ տեսք է հաղորդում:

Օդից կախված  ցանցեր ԱՄՆ-ի տարբեր նահանգներում
Ջենեթ Էշելմանը` ամերիկացի այս  նկարչուհին, հայտնի է նրանով որ, քաղաքի փողոցներում կանգնեցնում է օդից կախված ցանցեր, գունավոր ցանցային քանդակներ: Իր աշխատանքների ստեղծման մեթոդը նա վերցրել է մի հնդկացի ձկնորսից, ով մեծ վարպետությամբ տիրապետում էր օդային թելերի ու ցանցերի հետ աշխատելու ձևերին:

Քանդակներ մետաղալարերից
Ռոբին Ուայտը  ստեղծում է հեքիաթային քանդակներ սովորական մետաղալարերից:  Այդ գործընթացը նա բնութագրում է այսպես ` սկզբից ստանում ես մետաղե կարկասը, ապա դրա վրա ձևավորվում են կմախքն ու մկանները: Ուայտի խոսքերով, ինքը ամեն մի քանդակում  պահում է մի քարե “սիրտ”, որոնցում հաճախ գրություններ է փորագրում:

Սիդնեյի լույսի փառատոնը
Ամեն ամառ Սիդնեյում տեղի է ունենում  ամենամյա լույսի  Vivid Sydney” անունը ստացած երաժշտության փառատոնը: Ողջ քաղան այդ փառատոնի ժամանակ պատվում է բազմաթիվ լուսային պատկերներով և քանդակներով:

1600 պանդաներ Հոնկոնգի փողոցներում
Հասարակության ուշադրությունը պանդաների վերացման վտանգին ուղղելու համար, ֆրանսիացի արվեստագետ Պաոլո Գրենգեոնը WWF կազմակերպության հետ միասին, ամեն տարի պապիե-մաշեի տարբերակով ստեղծված 1600 պանդաների հետ այցելում է Եվրոպայի և Ասիայի տարբեր քաղաքներ: Այդ պանդաներից յուրաքանչյուրը խորհրդանշում է երկրի վրա մնացած 1600 պանդաներից մեկին: Վերջին անգամ նրանք եղել են Հոնկոնգում:

Քանդակներ մետաղյա թափոններից
Տաղանդավոր քանդակագործ Ջոն Լոպեսը մետաղաջարդոններից ստեղծում է իրական չափերին համապատասխանող կենդանիների քանդակներ:  
Ջոնը սկսզբից աշխատում էր բրոնզով, սակայն հետո զգաց, որ հնարավոր է և քանդակի համար արդեն ավանդական դարձած նյութերը փոխարինել այլ տեխնիկայով: Արյունքում առաջացավ մետաղի թափոններից քանդակներ ստեղծելու գաղափարը:
Նյութը պատրաստեց Անետ Ռիդլը